صباح الإلهام والبدايات الجميلة

 

البدايات دائما جميلة ومحفزه للإنجاز .. السنة الجديدة مثل الصفحة البيضاء تنتظر نملاها أفكار و إنجازات 

إبدأي السنة وانت اكثر حب وتصالح مع نفسك .. نفسك تحتاج منك و قفة شكر وامتنان بعد كل ما مريتي فيه من تجارب ومشاكل وانجازات

زعلانة لأنك فشلتي في الوصول لكل أهدافك ؟ .. انتي مافشلتي.. انتي حاولتي وانجزتي الي تقدري عليه وهذا بحد ذاته يكفي

خليك صديقة نفسك .. كلمي نفسك بإيجابية وخليك صبورة .. راح تقدري تطلعي أفضل مافيك

القسوة مع النفس .. وجلد الذات و اللوم والسلبية عمره ماراح يساعدك ..بل بيدمرك ويحولك لشخص عدواني

كل سنة نكبر ..ونزيد خبرة .. صحيح الحياة الحين أصعب .. لكن انك تشوف العالم من منظور مختلف .. منظور شخص تغير عن السنوات اللي فاتت هذا بحد ذاته فخر لنفسك ..

لاتخلي الأيام تمر بسرعة .. بدون ماتنتبهي للي حولك .. تأملي الحياة خارج شاشة الجوال .. استمتعي بشاي العصرية مع أهلك ، تأملي الطبيعة، وتأملي السماء والنجوم

اشحني نفسك طاقة إيجابية ..احلمي ولاتوقفي أبدا.. وتخيلي نفسك وين بتكوني في المستقبل

أتمنى لكم سنة جميلة وسعيدة،، ولو أنها وصلت متأخرة ( راعوا فارق التوقيت )

الصورة:
Taken By :Canon EOS 6D

خلصنا من تويتر رحنا للإنستقرام .. يعني نقول باي باي للتدوين ؟

IMG_5235s

بصراحة ثورة برامج التواصل الإجتماعي صارت تخوفني ! ..

بدأنا بالتويتر والبلاك بيري .. رحنا عالباث و الآسك والفليكر، الانستقرام بعدين الكييك والكيك ، والحين السناب شات .. أتخيل بس لوين راح نوصل

أحن لأيام المنتديات وكتابة المواضيع .. أحن لأيام طفرة المدونات .. حتى الماي سبيس كان له نكهة خاصة pb030

.. كنا نقضي في كتابة الموضوع يوم أو يومين و كتابة التدوينة ساعات

كنا نسوي كل شي برويّة وتأنِي .. وبإستمتاع طبعاً 

افتقدت هذيك الأيام لما كنا زي العائلة في المنتدى والمدونة .. نرد على بعض ونفقد بعض .. ونتراسل رسائل خاصة نتطمن عالأحوال ..

لو تلاحظوا أغلب البرامج حالياً .. لحظية .. ايش تسوي الحين ؟ وين رحت .. جالس مع مين وين مكانك  ، ماصارت فيه خصوصيات لنا

مرة سمعت في برنامج أمريكي واحد يقول : العائلة الي ينسرق بيتها يستغربوا كيف قدر الحرامي يعرف أنهم مسافرين ..طيب انتوا حاطين كل تحركاتكم في الفيس بوك والانستقرام كيف ماتبغوه يعرف ؟! 

مع جوالاتنا .. صرنا نحس اننا مشغولين واحنا فاضيين .. ووقتنا يروح واحنا بدون انجاز .. و نتوهم بإننا لو نزلنا صورة أو شاركنا برأي أننا سوينا إنجاز بس في الحقيقة لاشيء يذكر

متابعة قراءة “خلصنا من تويتر رحنا للإنستقرام .. يعني نقول باي باي للتدوين ؟”