بين الرسم والتصميم وتعلّم أشياء جديدة 2015 ❣ 2016

IMG_0848

بداية كل سنة تكون فرصة لمراجعة إنجازاتنا وإخفاقاتنا

ولأول مرة يبدأ عام جديد وأنا أشعر بشعور رضى عن نفسي وعن إنجازاتي .. لأني دائماً أتحطم وأتذمر وأتمنى إني حققت أكثر

لكن غيرت من نفسي حاجات كثيرة كنت أعتقد أنها ماتتغير ،، واتخذت قرارات صارمة

هالتدوينة بتكون فضفضة + الأشياء اللي مريت فيها في عام ٢٠١٥ .. جيبولكم كوب شاي أو سناك وتعالوا نتحكى سوا 

Continue reading “بين الرسم والتصميم وتعلّم أشياء جديدة 2015 ❣ 2016”

لاتجعل نقد الذات يُعيقك عن الوصول إلى هَدفك

IMG_2930

رداً على تدوينة  قورجس  مين أنا ، ليش عايشه ؟ .. #غيمه٩

الإيمان بنفسك وقدراتك هي من أهم عوامل نجاحك.. إذا ماكنت ِ تعتقدي أنك تستحقي الأفضل وأنك قدها .. فأنتِ مهما فعلتِ ..صعب تحصلي الرضا عن ذاتك
خليني أقولكم عن تقدير الذات .. هو العدو اللدود للباحثين عن الكمال في الهدف .. أي نعم العدو اللدود 
فهم مهما فعلوا من إنجازات ما يرضوا عن حالهم ويبغوا أكثر .. لدرجة إنهم ما يشوفوا إنجازاتهم شي يذكر .. ويضل جلد الذات وتأنيب الضمير ملازم لهم.. و لازم يوصلوا لشي بيرفكت
يحطوا توقعات كبيرة وآمال عظيمة لازم يوصلوها .. وإذا ماوصلوا لها يتحطموا كلياً ،، وما يشوفوا اي شي من الإنجازات اللي حققوها

يمكن راح عن بالهم أنه مافيه شي يحصل بين يوم وليله .. كل هدف كبير .. قبله خطوات .. خطوات صغيرة يسموها baby steps
لأن الطفل قبل مايمشي .. يخطي كم خطوة ويطيح .. ويقوم ويحاول ويحاول ،، لحد مايتقن 
المشي
لاتكوني ناقدة لذاتك إذا ماوصلتي لهدفك تتحطمي …لكن محفزة لها .. 
مثلاً لو من أهدافك هالسنة.. خسارة الوزن .. وحطيتي ديدلاين بعد ٤ شهور تخسري ٥ كيلو ..
تعدي الأربع شهور.. وتشوفي انك خسرتي بس ٣.٥ كيلو .. وتبطلي دايت وتمارين .. وترجعي أسوأ من قبل كمعاقبة لنفسك
بالعكس ..افرحي انك انجزتي وخسرتي وزن ووصلتي ثلاثة أرباع المشوار 

أنا للأسف الشديد أعاني من نقد الذات المميت.. 
الشي اللي خلاني أصحى على نفسي.. مرة كنت مسافرة .. وتعرفت على أمريكية وجلسنا نسولف.. فسألتني ليه جاية أمريكا .. قلتلها أدرس قرافيك ديزاين.. قالت واو .. أتمنى أصير زيك
أتعلم لغة ثانية وأترك بيتي وعائلتي وأسافر قارة ثانية عشان أسوي شي أحبه .. أنا لسا ما أدرس ولا أعرف ايش ابغى أسوي في حياتي ومستقبلي
.. طبعاً بتضحكوا لو أقولكم أنا ما أشوف نفسي مسوية أي إنجاز .. بس كلامها خلاني أستحي ع نفسي .. شوف كيف بنت غريبة مقدرة الي قاعدة أسويه ..بس أنا ما اشوف اني أسوي شي!! 
..
اللي أبغى أضيفه ع تدوينة قورجس ..
عشان تحققي هدفك .. راح تقابلي عدو.. اللي هو نفسك  .. لاتسمحيلها تحبطك أو تثبط من عزيمتك ..خليك أقوى منها .. وأثبتي لنفسك وللكل أنك أقوى وتقدري تحققي هدفك
مهما قابلتي ناس .. سبقوك وحققوا أهدافهم .. لاتخلي هالشي يأثر عليك .. لكن خليك واثقة أنك حتوصلي وتكوني أفضل لو أشتغلتي ع نفسك أكثر
لو كنتي تعاني من نقد الذات بإستمرار .. يوميا أكتبي إنجازاتك بدفتر .. حيمر شهر وتشوفي قد ايش انتي حققتي .. حتى لوكان شي بسيط ..

Continue reading “لاتجعل نقد الذات يُعيقك عن الوصول إلى هَدفك”