مشترياتي لتنظيم وقتي + هدية قائمة مهام

IMG_0795

مساء الخيرات 

تنظيم الوقت هو سر نجاح كل شخص ومعاه تقدري تكوني أكثر إنجاز وتصالح مع ذاتك

 ما اقتنعت بتطبيقات To Do List في الآيفون .. صحيح أنها مفيدة لكن أحب الورق وأحب الكتابة وكل ما كتبت بيدي ترسخ في ذهني المعلومة 

هالسنة كنت مخططة أطلب منظمات شهرية وأسبوعية من موقع علي بابا .. وكان باقيلي خطوة الدفع بس .. وبنفس اليوم مريت كم محل وحصلت فيهم كل الي أبغاه و أخذتهم وكنسلت طلبي 😛

بأعرض لكم مشترياتي لتنظيم وقتي في السنة الجديدة 

متابعة قراءة “مشترياتي لتنظيم وقتي + هدية قائمة مهام”

أشخاص ألهموني في عام 2015

IMG_0472

 

أحب لحظات الإلهام والأشخاص الملهمين اللي أقابلهم أو أقرأ عنهم 

يمكن كلمة بسيطة أو تصرفات عفوية تلهمك بشي كبير ويدفعك تسوي أفضل ماعندك

دايما تتكرر علينا قصص النجاح زي قصة نجاح والت ديزني وحياة ستيف جوبز لكن مو كل قصص النجاح تأثر فيك و تلهمك

.. لكن ملاحظتك لأشخاص حولك راح بيكون لها وقع أكثر عليك

حبيت أشارككم بعض الأشخاص اللي ألهموني هالسنة ..

متابعة قراءة “أشخاص ألهموني في عام 2015”

تجربتي في تصوير حفلة زفاف ( الجزء الثاني )

WEDDING

مساء الورد

بعد تجربتي الأولى في تصوير حفلة زفاف .. كنت محظوظة إني قدرت أكرر التجربة و صورت بعدها ثلاث زواجات

بعضها صورتها كاملة وبعضها صورت الزفة بس. حبيت أشارككم بعض النقاط المهمة اللي تعلمتها وبتساعدكم في بداية المشوار

*الإستعداد:

كون إنك قررتي تكوني مصورة زواجات .. لازم تكوني قد المسؤولية في التصوير وشغلك يكون إحترافي .. الكاميرات صارت بمتناول الجميع والكل يقدر يلتقط صور، و كثير صار عنده عدة الإستوديو في بيته ، لكن مو الكل يستحق لقب المصوّر. قبل ماتبدأي في هذه المهنة .. إسألي نفسك: هل أنتِ مهيئة إنك تكوني مصورة ؟ كيف تدربتي عالتصوير؟ ايش مصادر تعليمك؟ كم ساعة بالأسبوع تقضيها في التصوير ؟ هل فيه مصوّر محترف يقيّم تصويرك ؟ كوني صريحة مع نفسك .. لأن هذه مهنة وتحتاج أمانه و صدق. العروسة راح تثق فيك وتسلمك مبلغ وقدره. فالمفروض إنك تكوني قد الثقة بإنك تعرفي تصوري تصوير بروفيشنال ومتدربة ومشتغله على تطوير نفسك متابعة قراءة “تجربتي في تصوير حفلة زفاف ( الجزء الثاني )”

أسهل طريقة لعمل مخدة بدون خياطة DIY

IMG_0187

مساء الخيرات للحلوين 

من فترة حبيت أجدد مخدات أو خداديات الكنب .. و جت في بالي فكرة أسوي مخدة بدال ما أشتري .. وتشجعت لفكرة إنها بتكون بدون خيااطة !!

أكيد تحمستوا 😀

راح تحتاجوا لهالعمل :

متابعة قراءة “أسهل طريقة لعمل مخدة بدون خياطة DIY”

أفكار لعيديات عيد الأضحى ❤ DIY

IMG_0145

يسعد صباحكم / مسائكم ❤

العشر عليكم مباركه .. الله يتقبل منا ومنكم يارب صالح الأعمال .. بمناسبة قرب عيد الأضحى .. حبيت أشاركم بعض الأفكار للعيديات وتغليفها .. كل عيد أتحمس جداً لموضوع العيديات خصوصاً الآونة الأخيرة

لما أشوف هاشتاقات في انستقرام .. و صور الإستعدادات للعيد .. مرة أتحمس

ومن هذا المنبر أشكر المبدعة نورة النزاري <3.. على كل مجهوداتها والإلهام اللي تشاركنا فيه في كل مناسبة .. هذي التدوينة أهديها لك

:

بالنسبة لي مومهم عندي أهدي الأطفال .. قد ما أهدي الأمهات والبنات اللي ماعاد تجيهم عيديات ..

أحب أشوف الفرحة على وجيههم أنه فيه أحد متذكرهم  

راح أسوي معاكم ثلاث أفكار للعيديات تناسب الأمهات والبنات في عمر العشرين

الفكرة الأولى : سجادة الجيب

متابعة قراءة “أفكار لعيديات عيد الأضحى ❤ DIY”

عن الناس

IMG_2906
في الحياة نقابل من الناس أصناف وأجناس .. منهم الطيب و منهم الخبيث
منهم اللئيم ومنهم الي على نياته
وكل مانضجت وتقدمت بالعمر .. راح تقابل ناس أكثر وأكثر

راح تكون محظوظ لو ما حصلك مشاكل مع الاحتكاك مع بعض الأشخاص ..
لكن هي سنة الحياة أن الناس مختلفين بشخصياتهم وأفكارهم وهويتهم،،

المشكلة ماهي في إختلافنا مع الناس.. المشكلة في التعبير عن الاختلاف ، هل تكون بالمشادات الكلامية؟

بالكلام بهدوء واحترام ؟

أو ينتج عن الاختلاف كراهية بين الطرفين ؟

..عند الاختلاف يظهر معدن الإنسان.. و تظهر تربيته بتصرفاته

*إصدار الأحكام

من الظلم إني أحكم عليك كشخص قبل ما أعرفك حق المعرفة
من الظلم إني أحكم على مظهرك وأترك جوهرك ..
من الظلم لو سمعت عنك كلام أصدقه بس عشاني ما أعرفك..
.. خلونا نتعاهد على ترك إصدار الأحكام على الناس
مؤلم الشعور لما الناس تحكم عليك بالسوء وأنت بريء

*عمرك ندمت أنك كنت طيب ؟

أحيانا أفكر هل الطيبة عيب فيني؟ ليش أكون طيبة مع الناس المصلحجية .. ليه ما أقابلهم بمثل ما يعاملوني..

ليه دائما اكون الطرف المستغل .. الطيب .. الضعيف
ليه لما أحد يغلط علي ما أقدر أرد عليه بلحظتها؟ ليه الشخص لازم يكون لسانه طويل عشان يعيش ويدافع عن نفسه ؟

*الحياة قصيرة فلا تقضيها مع من يزعجك

أي شخص يزعجك ، يستغلك، يسببلك تعب نفسي، يعطيك طاقة سلبية .. إنت مو مجبر تعيش معاه وتجامله
أي شخص كنت تعتبره صديقك وهو نساك .. إنساه ولا تتعب نفسك بذاكراه
صدقوني الحياة أقصر من اننا نعيش مع ناس تجيب المشاكل
الحياة أقصر من فلان قال و فلانة سوّت ..

السلام الداخلي .. هو إنك تستمد سعادتك من نفسك .. من داخلك و تكبر دماغك عن المشاكل والقيل والقال
حتعيش مرتاح من غير وجع راس 

كيف توفر من راتبك في أمريكا

علم امريكا

السلاام عليكم ..

التدوينة هذي فبالي من وقت طويل  .. بس أتردد كل ماجيت أنزلها ..لأني ما اعرف هل فيه مبتعثين يتابعوني أو لا.. لكن بما أنه ماشاءالله أعداد المبتعثين في ازدياد كل سنة ..ان شاءالله حيستفيدوا من تجربتي البسيطة

في بلد الغربة وفي اول سنة كل شي جديد علينا .. حلو نستفيد من خبرات الناس اللي نتعرف عليهم بنفس المدينة
لكن الأحلى انك تكتشف بنفسك المحلات .. وتعرف من أهل البلد كيف يقضوا للبيت وايش أفضل الأماكن للتسوق وللتوفير بنفس الوقت

طيب احنا ليش نوفر من الراتب ؟

أولاً: لأن الراتب أو مكافأة المبتعث يا دوب تكفي الحاجة  

ثانياً: لو وفرنا من مصاريف الأكل والفواتير.. اللي يبقى نقدر نستمتع فيه بسفره أو تمشيه 

هالسنة كملت ٣ سنوات في أمريكا ..عشت مابين ولاية Indiana و ولاية Michigan ،، بشارككم تجربتي بالأشياء اللي ساعدتني على التوفير من الراتب

متابعة قراءة “كيف توفر من راتبك في أمريكا”

درس فوتوشوب: طريقتي في تعديل الإضاءة والألوان في الصور

تعديل صور١

صباح \ مساء الخيرات 

كثير نصور بالكاميرا وماتعجبنا الصور بسبب الإضاءة .. يا إما إنها ضعيفة أو قوية بزيادة .. أو ألوان الصورة جايه على أصفر أو أحمر

الإضاءة الصحيحة نقدر نعدلها -نوعاً ما – بالفوتوشوب ، قلت نوعاً ما لأنه ماينفع تصور الصورة بإضاءة خافته أو ضعيفة جداً وتتوقع انها حتتزبط بالفوتوشوب .. مهما كان الصورة تحتاج إضاءة كافيه عشان تقدرالكاميرا تلتقط كل المعلومات .. 😉

الصور السيئة حتى لو حاولت تعدلها ماتتعدل.. راح يبان فيها الخلل 😦

هالدرس البسيط بيفيدكم كثير وحبيت أشاركم فيه ،،

أول شي خلينا نتعرف على بعض المصطلحات في التصوير و الفوتوشوب ..

Exposure : ( اكسبوچر) التعريض .. معناه كمية الضوء التي تعرضت له الصورة.

Under Exposure : لما الصورة تتعرض لكمية ضوء قليلة ( إضائتها ضعيفة ) نقول إنها

( أندر اكسبوچر )

Over Exposure: لما الصورة تتعرض لكمية ضوء كبيرة أكثر مما تحتاج ( إضائتها عالية) نقول إنها

( أوفر اكسبوچر )

Right Exposure : لما الصورة تتعرض لضوء بكمية صحيحة ومناسبة .. نسميه ( رايت اكسبوچر ) يعني التعريض الصحيح.

متابعة قراءة “درس فوتوشوب: طريقتي في تعديل الإضاءة والألوان في الصور”

الإختبارات .. هوّنيها و تهوْن

IMG_9409s

التهيئة النفسية والاستعداد .. هو أهم عامل يساعدك لاستقبال الاختبارات ..

المرء عدو مايجهل .. والخوف اللي نحس فيه طبيعي .. المهم أن الخوف والتوتر مايأثر ع صحتك

انا كنت من الأشخاص الي الاختبارات تدمرني .. أنحبس في الغرفة واذاكر ليل ونهار.. وأبكي وأكتئب لو ماحليت كويس101830_0023_10.png

طيب ايش استفدت من هذا التعب النفسي والهم؟ .. ولااشي ..

كل واحد مايحصل إلا رزقه والمكتوب له بالنهاية ، ذاكري وسوي اللي عليك وبحدود طاقتك بس

اما تتعبي صحتك وماتاكلي أو تعتكفي عالكتاب لين ماينكسر ظهرك .. وبعدين لو أستاذ المادة ماعطاك الدرجة اللي تستاهليها! هذيك الساعة تقولي ياخسارة صحتي وياخسارة تعبي

متابعة قراءة “الإختبارات .. هوّنيها و تهوْن”

ًIt’s Not How Good You Are, It’s How Good You Want to Be / Paul Arden

IMG_9411

 

يسعد مساكم ..

بعد قراءة كتاب Whatever You Think, Think the Opposite – Paul Arden .. أعجبني أسلوبه وتحمست أقرأ الإصدار الثاني للمؤلف

في المقدمة يقول الكاتب:

“Nearly all rich and powerful people are not notably talented, educated, charming, or good-looking. They become rich and powerful by wanting to be rich and powerful. Your vision of where or who you want to be is the greatest asset you have. Without a goal it’s difficult to score.”

الكتاب من نوع الكتب الملهمة والمحفزة للإنجاز و تحدي النفس والنجاح ..يتكلم عن مواضيع عديدة ومتشعبة في تطوير الذات.. مليء بالصور والرسومات الممتعة والاقتباسات

في الفصول الأخيرة كان يتكلم بشكل خاص عن أصحاب البزنس و الديزاينرز والتعامل مع العملاء ..

رأيي في الكتاب :

كانت توقعاتي عالية بسبب عنوان الكتاب .. توقعته بيتكلم عن كيف نصير أفضل ونشتغل ع نفسنا .. بس المحتوى كان متشعب جداً ومن كل حدب و صوب وكلامه بالنسبة لي مكرر ..

متابعة قراءة “ًIt’s Not How Good You Are, It’s How Good You Want to Be / Paul Arden”